Home 變形金剛 TakaraTomy MP36 Megatron 網友開箱 圖文 玩具點評

TakaraTomy MP36 Megatron 網友開箱 圖文 玩具點評

617
SHARE

兩年之前入手X-Transbot Megatron,入手第一晚已經玩到火滾唔好講話變形⋯郁動關節已經令我覺得非常之冇癮,暫時來講係我入手再放賣速度最快嘅玩具!前後不過廿四小時⋯

上年原本考慮Maketoys 中⋯但係官方公布咗消息之後就索性訂購官方算了。

玩咗上手一晚,關節方面同埋可動性、擺姿勢嘅可塑性令我好滿意👌🏼其實我認我覺得係好有當年卡通嘅味道,我真係覺得不錯,真心靚!顏色真係唔錯,除咗閃亮銀色之外⋯好肯定呢一隻色係最恰當Megatron嘅顏色!暫時拆盒放出嚟研究過手腳關節,可以好自然擺到S型甫士。

但美中不足係背脊似乎做得不夠美觀⋯

至於變成槍之後,外觀感覺好似分成太多件,未試過玩變形前的而且確只有呢一種單一嘅看法,但係嘗試過變形之後就真係好佩服負責設計變形系統嗰個人!同埋今次雖然件數多但係接合位處理得好好。要知道分成咁多散件嘅變形玩具,如果接合位在生產時候做得唔好的話會係一種對玩家嘅災難。

今次呢件產品有多句對白及發光效果、又有幾個表情俾你更換、又有1986年大電影嘅破爛件、槍托可以變成人形狀態嘅支架、武器方面更加唔使講⋯齊晒!成件事除咗係因為玩家眾望所歸、為配合返MP10之外…相信亦都係因為第三廠壓力之下而逼出來。

元祖G1 Megatron,設計上本來就係一件極之難出嘅產品⋯依家計埋第三廠一共有四個單位出咗。如果某些仁兄有幸買齊四款的話真係可以慢慢享受下整體來講嘅優劣。(我就冇咁嘅財力😅)因為我好相信今次係好難得四個品牌單位嘗試出盡全力去設計四種不同變形結構嘅MP size G1 Megatron。

資料來源:Patrick Yiu

Facebook Comments