Home 創業 年中轉型。中年轉型。轉型到中年?

年中轉型。中年轉型。轉型到中年?

249
SHARE

做design的朋友,的確多諗頭!兩個design朋友,兩個故事,兩種發展。不過,都是一樣心態,「仲唔放手一博,等幾時呀」?

第一位朋友做開design agency,搞開corporate branding、corporate identity同商場設計等等的大型projects。後來,在香港及大陸,轉做空中飛人,見客、做pitch、聯誼,經常兩邊跑。後來,2000年後因廣告界的digital marketing出現、競爭愈來愈大但marketing budget卻愈來愈少之情況下,朋友就如在傳媒訪問中所說的一樣,係時候「放低支筆從商」啦。於是,就毅然做左一項自己都未做過的事,就係賣茶!個品牌係「TONGCHICHA東の茶」,以「健康、天然、重品質」為主打,產品仲具有閒暇飲用及保健功能,有花茶、烏龍茶等等不同類型口味,仲整埋禮品包。宜家,批發、零售、網店三管齊下,B2B、B2C、O2O大包圍,仲積極發展緊個銷售網絡,希望將來,可以殺出一條血路!

另一位朋友,設計sense非常強,為人非常仔細又stylish,做開graphic design成十年有多,希望自己能有突破,故暫時把design的工作放下,毅然在灣仔天樂里開了一間樓上massage鋪頭,尊為客戶提供按摩、保健服務。由搵鋪、deal鋪、入貨、買料,全部都一手搞掂!硬件方面,所有裝潢、設計都是全新的,佈置得非常有格調及有氣氛,而產品訂價、推廣宣傳、account servicing全部一手包辦,而自己仲親自落場做埋treatment,兼有香精、精油等各式各樣的產品提供及銷售。開業已大半年,營運方面亦漸漸上軌道,居住附近的很多街坊朋友、甚至乎住在灣仔、銅鑼灣一帶的旅客,都因為在google找到店的資料而來光顧。最最最重要的是,這位朋友是位「他」,不是「她」。一位男性,獨力開始這門生意,的確很厲害呢!

離開comfort zone,當然不是易事!但為了生活而必須重複做一些自己已經厭倦的事,那份痛苦、那份無奈,卻又好難頂!有人做到、有人做緊、有人計劃做、有人想做,但更多人係會選擇唔會去做。

正等於這兩位朋友,如當初無放低做設計的道路,就唔會有自己做茶的生意、有屬於自己的massage店。施丹唔想只做名宿,願意擔當起做皇馬主帥,先可以管得住班大帝,歐聯兩年霸。

Ivan Leung

Facebook Comments