Home 創業 藝人。工作。唔易做

藝人。工作。唔易做

254
SHARE

近年來,政府想推動STEM,即是「科學、科技、工程、數學」的普及教育。對我來講,「電腦」、「計算」等同「精密」、「logic」、「理性」等概念聯繫;但「藝術」、「運動」呢,也需要靠「努力」、「天份」和「不斷練習」來取得成就和成績。

好多年以前,政府亦說會大力推廣中醫、物流及酒店業的發展,大概十多二十年前,我有一些中學同學、朋友及年輕一點的學生朋友,他們都投入去從事相關職業,仲不停地努力學習,點知,一畢業或畢業前,就遇上2000年科網危機和03年沙士,做唔到本行,轉了去做金融、IT或自己創業,點知,無心插柳柳成蔭,反而機會仲好,而且愈來愈做得大呢!

可是,從事藝術同運動工作,無論出面有無經濟危機,條路都唔易行。

之前,同一位藝人朋友有合作,她參與了一位corporate客的活動演出。她彈得一手好古箏,演戲亦出色,APA畢業,受過正統訓練,她就是Tania。

Tania畢業於香港演藝學院戲劇學院,獲藝術學士(榮譽)學位,主修表演。她之前曾在「香港電視」為節目《Shopping Hero》主持,亦參與過舞台劇演出,例如剛剛做完的《尋找快樂時代2017》、《尋找快樂時代》、同微電影《愛用心,愛可頌》等等。除戲劇表演之外,Tania亦醉心於中國傳統音樂,考獲中央音樂學院校外音樂水平等級試古箏專業演奏文憑級。

小時候,我自己都喜歡玩音樂和唱歌,亦都偶爾有一些表演或演出機會,但好似Tania咁有勇氣、堅持同毅力,努力以赴去鑽研一項技術,仲考埋專業試,我覺得她很厲害。現在,她為自由身演員,正努力地投身於演藝事業,除左舞台劇演出外,亦有參與廣告、微電影、主持及教學等各式各樣的工作。

前個星期,我地出來high tea,傾吓傾吓,傾到點解大家都會喜歡音樂同藝術。我就好簡單,細個鍾意beyond,初中時期認識了britpop同suede,之後夾band會彈吓唱吓bon jovi、nirvana、incubus、oasis之類,又睇開有線的國際音樂天空(可能係當時最出色的音樂節目),久而久之就愈來愈鍾意啦。而Tania呢?她初中時期,加入了校內的Drama Club,從此就愛上戲劇,並希望將來能夠成為一位專業演員。

但是,演藝畢業後,當演員的路可不易走呀!每次演出機會都好難能可貴,有時,等上一段長時間,就連試鏡的機會也沒有。而且,演出費總是不高,夢想與實際生活,好像很難平衡。

果陣,我地就坐在一間米芝蓮有星的餐廳吹水,我都認同做舞台劇,如果只計ROI,投入時間與付出,真係計唔掂。而Tania都坦然,她曾想過放棄當演員,轉為做全職古箏老師。但細心想吓,一輩子當古箏老師,究竟又是不是自己人生最想做的事呢?那又肯定不是。咁應該違背自己意願定搵食先呢?

我放底杯咖啡,問她究竟有咩動力令她可以繼續堅持下去?她說家人和朋友,都一直支持她當演員,每當事業失意時,他們總會給她安慰和支持。嘩,心諗,這種家人和朋友,在商業掛帥的香港,的確少有,真係要好好珍惜呀!

成名前,要努力不懈;成名後,要努力發大。米芝蓮星星餐廳,獲得星星之後,就在香港多開幾間分店,同其他投資人搞合作,再在世界各地開分店,再推出自己產品,productize同globalize。做演藝,都係要橫向綜合發展,唱歌舞蹈彈野做戲主持,做得好,自己做埋製作、發行,做埋工作、藝人及活動策略管理,IP化、明星化、產品化,才可以持續發展,避免有jobs有錢無jobs無錢這種超無安全感的生活,仲會分分鐘影響演出質素呢!

Tania曾於舊年舞台劇《尋找快樂時代》劇中,演唱過一首歌曲,叫做「幸運是我」,我相信,這亦是她的心聲:

「曾嘗遍失意時 卻找到快樂匙
那裡會知 就是自己 原來是個幸運兒
誰人亦有得意時 這一刻最特殊
滿有信心 默默地說 幸運是個小諷刺
雖說幸運是個諷刺 它使我能高飛
它可帶予我一絲驚喜 可以實現我心志
夢變真夢變真 求可以」

各位朋友,平時除左波車樓股錶,食飲買玩睡之外,都可以花丁點時間,留意一下身邊一些正在為自己所喜愛、認同的事而努力奮鬥、默默工作的一群朋友。

記住她,她叫戴悅燁。

Ivan Leung

Facebook Comments