1、氦氣球示愛
男士十有八九都會準備粉紅氦氣球充斥成間套房，再喺窗邊貼上英文字母氣球砌成的will you marry me/ I love you 字句，營造浪漫佈置。
2、求婚花束 + 床上花瓣
入手求婚花束時記得預留花瓣做床上佈置，砌返個心心花瓣圖案雖然老土，但90%女友都會受！
3、公仔助求婚
唔想得氫氣球同玫瑰花，可以搵埋女友最愛嘅公仔陪你求婚，如果搵到絕版款一定會加分呀！
4、燈光同音樂增加情調
為咗更加有情調，唔少得燈光同音樂配合。燈光方面可以準備電子蠟燭，減低危險性；再加埋你同佢嘅訂情歌，或者自彈自唱，一定冧死女友！
5、酒品及甜品慶祝
求婚成功，梗係要cheers 慶祝！及早向酒店order香檳、白酒、紅酒，又可以度身訂製甜品，同另一半匿喺房中二人世界，享受浪漫又難忘嘅一夜。
6、拍下難忘時刻
大部分女生都希望重溫呢個難忘時刻，男士最緊要準備Camera/GoPro拍低，記得留意埋收音，將成個求婚過程記錄下來。
7、求婚翌日準備
求婚成功，唔好以為計劃已經結束！一覺瞓天光後，準新娘依然沉醉於呢個新身份，體貼嘅新郎哥可以準備埋room service，喺套房二人世界享用早餐，不受外界打擾。
Facebook Comments
